PANTUN

 

MARI BA PANTUN

 

 

Naik bis pi TTU,

Di Niki-Niki singgah makan.

Covid bagini jangan bajalan talalu,

Yang kaki kereta, pa tentara amankan.

 

 

Minum TNI di dalam lopo,

Dada ayam jadi tolakan.

Atoran pemerintah musti iko,

Jaga jarak pake masker dan cuci tangan.

 

(TNI: Tua Nakaf Insana)

 

 

Di atas jembatan dudu bajejer,

Laki parampuan bafoto rame.

Biar di rumah harus belajar,

Jangan ko hari-hari pegang hape.

 

 

Naef Usu bajual barang,

Iko bajual Susi Maher.

Pi Gereja pamarintah larang,

Ma di pasar banyak yang sonde pake masker.

 

(Naef: Panggilan untuk yang dituakan di TTU)

 

 

Gantong jemuran di atas kawat,

Bai Nahor makan sirih dan pinang.

Hari-hari ke tambah gawat,

Ambulance babunyi siang-siang.

 

 

Om Peu duduk bamarah,

Dia pung cucu duduk ko lihat.

Ketong jangan dudu pasrah,

Lari-lari ko ketong sehat.

 

 

Kupang, 28 Januari 2021